•  

రోమాన్స్‌ను కొనసాగాలంటే...

Relationship between Couple
 
పగలంతా పోటీ ప్రపంచంతో పోటీ పడి పరుగెత్తి రాత్రి ఇంటికి వచ్చే సమయానికి బాగా అలసి పోయి రావడం సహజం. దీంతో దంపతుల మధ్య రొమాన్స్, ప్రేమలు అంతంత మాత్రంగానే ఉంటున్నాయని అనేక సర్వేలు చెపుతున్న నిజం. అయితే, ఏళ్ల తరబడి సంసారం జీవనం సాగించిన తర్వాత కూడా దంపతులు పరస్పరం ప్రేమను, రోమాన్స్‌ను ఓ అలవాటుగా కాకుండా సజీవంగా ఉంచుకోవాల్సిన ఎంతైన ఉందని కామశాస్త్ర నిపుణులు, సైకాలజిస్టులు చెపుతున్నారు. దీనికి ప్రాథమికంగా కొన్ని జాగ్రత్తల తీసుకుంటే సరిపోతుందని వారు సూచిస్తున్నారు.

ప్రేమను కాపాడుకోవాలని చైతన్యపూరితమైన నిర్ణయం తీసుకోవాలట. మీ భాగస్వామి పట్ల మిమ్మల్ని ఆకర్షితులను చేసే అంశాలపై ఎక్కువ దృష్టి పెట్టినట్టి, ఆమెకు లేదా ఆయనకు ఇష్టమైన రెస్టారెంట్లు, ఇతరాత్రా ప్రాంతాలకు తీసుకెళ్లడం ద్వారా దంపతుల మధ్య రోమాన్స్‌ను సజీవంగా ఉంచుకోవచ్చని చెబుతున్నారు. ఇద్దరూ కలిసి చేయాల్సిన పనులపై ముందుగానే ఒక కార్యాచరణ రూపొందించుకుని వాటిని పూర్తి చేసేందుకు రెండు, మూడు రోజుల పాటు తమతమ కొలువులకు సెలవు పెట్టి కలిసి చేస్తే ఎంతో మంచిది. ఈ సెలవుల్లో తమకు ఇష్టమైన ప్రదేశాలు, ప్రాంతాలకు తీసుకెళ్లేందుకు ప్రయత్నిస్తే మరీ మంచిదని చెపుతున్నారు.

తమ భవిష్యత్ కోసం ప్రణాళికలను వెంటనే పూర్తి చేయడం మొదలు పెట్టాలి. మీ భాగస్వామికి ఇష్టమైన కళలో శిక్షణ ఇప్పించవచ్చు. మీ భాగస్వామి ధరించే దుస్తుల పట్ల ఇష్టాన్ని ప్రదర్శించవచ్చు. శారీరకంగా అందంగా కనిపించడానికి ప్రయత్నాలు చేయండి. దుస్తులు ధరించడం మీ భాగస్వామికి ఇష్టమయ్యేలా ఉండాలి. వెంటనే ఇది ఫలితం చూపకపోయినా దీర్ఘకాలంలో ఫలితం ఇస్తుందని చెబుతున్నారు.

English summary
Experts say that it is important to take steps to protect relationship and couple should take necessary steps. They said that romance should not be a habit and for that couple should adapt new methods.
Story first published: Thursday, March 3, 2011, 16:34 [IST]

Get Notifications from Telugu Indiansutras