ముఖ్యంగా ప్రేమికులు గంటలకొద్దీ మొబైల్ ఫోన్లలో మాట్లాడుతుంటారు. చివరికి సెక్స్ టైంకు వచ్చేసరికి అక్కడ వారు ఫెయిల్ అయినట్లు ఆధారాలున్నాయని ఆయన వివరించారు.తన వద్దకు చాలామంది లోక్‌సభ సభ్యులు, ఎమ్మెల్యేలు, ఇతర వ్యక్తులు తాము తీసుకోవలసిన డైట్ గురించి, వారి ఆరోగ్యం గురించి, స్ట్రెస్ మేనేజ్‌మెంట్‌కు సంబంధించిన సలహాల కోసం వస్తుంటారు. వారికి తన సలహాలు పాటించడంవలన జీవితం చాలా సుఖంగా గడచిపోతోందని వారు తెలిపినట్లు ఆయన వివరించారు. ఇదిలావుండగా మొబైల్ ఫోన్‌ను వాడనటువంటి ఏకైక లోక్‌సభ సభ్యునిగా ప్రసన్న చరిత్రలో నిలిచిపోతారనడంలో అతిశయోక్తి లేదు.
తన అరవై ఐదేళ్ళ వయసులోకూడా ఆయన చాలా చలాకీగా ఉంటారు. ఒత్తిడి అనే మాటే ఆయన దరి చేరదు. గత ముఫై సంవత్సరాలుగా ఆయన గెలుపుకు సూత్రం తన వ్యక్తిగత పరిచయం, అలాగే తన ల్యాండ్ ఫోన్ మాత్రమేనని ఆయన తరచూ అంటుంటారు. ఐతే దేశం ఐటీ రంగంలో ముందుండాలని తాను కోరుకుంటున్నట్లు ఆయన ఆశాభావం వ్యక్తం చేశారు. అవసరమున్నంతమేరకే ఏదైనాకూడా వాడలని, అవసరంలేనప్పుడు వాటిని వాడకూడదని కూడా ఆయన సూచించారు.