సెక్స్ లో ఆమె తృప్తిని తెలుసుకోవడమెలా?

Sex Satisfaction
 
మానవునిలో కోరిక సెక్స్ సంబంధాల వల్ల కలుగుతుందని చెబుతారు. అంటే మనస్సులో కలిగే సెక్స్ ఉద్వేగాలు రతి భావనగా మారతాయి. ఆ బలమైన భావమే స్త్రీలో యోని ప్రకోపంగా మారుతుంది. అదే అగ్రస్థాయికి చేరినప్పుడు "ఇక చాలు" అనిపిస్తుంది. ఆ దశకు చేరిన స్త్రీ మనసు మైమరిచిపోతుంది. ఈ స్థితినే ఆర్గాజం లేదంటే క్లైమాక్స్ దశ అంటారు. దీన్ని పురుషుడు తెలుసుకోవడం కష్టమే. అయితే స్త్రీకి ఈ అనుభూతి కలిగినప్పుడు అది ఆమెకే తెలుస్తుంది. నాకు తృప్తి కలిగిందని ఎన్ని విధాలుగా ఆమె వర్ణించి చెప్పినా చీకట్లో వెలుతురు చూపించడం లాంటిదే అవుతుంది. స్త్రీలో భావప్రాప్తి రెప్పపాటులో జరిగిపోతుంది.

ఆ క్షణంలో ఆమెలో చోటుచేసుకునే సున్నితమైన శారీరక పరిణామాలు కొన్ని గమనించవచ్చు. ఆమె కనుపాపలు పెద్దవవుతాయి. చనుమొనలు బిగుసుకుని ఉంటాయి. మొత్తం శరీరం అదో రకమైన ఉద్వేగంలో పరుగులు తీస్తుంటుంది. ఇవన్నీ ఆమెలో జరుగుతున్నాయా, లేదా అని చూడాలంటే సెక్స్ సుఖం కాస్తా దూరమైపోతుంది. అంగస్తంభన అర్థంతరంగా ఆగిపోతుంది. ఆ దశలో ఆమెకు ఈ పరిణామం చికాకును తెప్పిస్తుంది. కాబట్టి రతి సమయంలో స్త్రీ భావప్రాప్తికి లోనవుతుందా, లేదా అనే విషయాన్ని స్త్రీకే వదిలేయాలి. పురుషుడు దానిని పరీక్షించాలని చూడకూడదు.

ఇకపోతే కొందరు స్త్రీలు ఒకసారికన్నా ఎక్కువసార్లు భావప్రాప్తిని పొందుతారు. ఈ భావప్రాప్తికి మూలం మెదడు. కనుక ఆ సమయంలో యోని ఎలా ఉంది అనే అంశం ప్రధానం కాదు. రతి తారాస్థాయికి వెళ్లినప్పుడు మెదడుకు సంకేతాలు అందుతాయి. మెదడు స్పందనతో భావప్రాప్తి దానంతట అదే జరిగిపోతుంది. కనుక సెక్స్ చేసే సమయంలో స్త్రీ తృప్తి చెందిందా, లేదా అని తెలుసుకోవాలనుకోవడం అనవసరమంటారు సెక్సాలిజిస్టులు.

Story first published: Wednesday, November 3, 2010, 17:09 [IST]
Please Wait while comments are loading...