Click it and Unblock the Notifications
"నాకు హస్తప్రయోగం అలవాటు ఉంది హస్తప్రయోగంలో అంగం స్తంబిస్తుంది. కాని అమ్మాయి దగ్గరకి వెళ్ళినప్పుడు స్తంబించటంలేదు. నపుంసకత్వం అని భయంగా ఉంధి తగ్గడానికి మందులు చెప్పండి" అని ఓ పాఠకుడు అడిగాడు. నిజానికి, ఇటువంటి సమస్యను చాలా మంది పురుషులు, ముఖ్యంగా యువకులు ఎదుర్కుంటారు. ఇది మానసికపరమైందే తప్ప నపుంసకత్వం కాదనేది ముందు గ్రహించాల్సి ఉంటుంది.
అతను అమ్మాయి దగ్గరకు వెళ్లినప్పుడు అని చెప్పాడు తప్ప, ఆ అమ్మాయితో అతనికి ఏ విధమైన సంబంధం ఉందనేది చెప్పలేదు. సామాజిక అనుమతి ఉన్న లేదా సామాజిక విలువలకు అనుగుణమైన లైంగిక సంబంధం కానప్పుడు తప్పు చేస్తున్నామనే నేరభావన చుట్టుముట్టి అమ్మాయి వద్దకు వెళ్లగానే అంగస్తంభన జరగకపోయి ఉండవచ్చు. లేదా సెక్స్ వర్కర్‌ వద్దకు వెళ్లినట్లయితే, అది కూడా మనసు అంగీకారం పొంది ఉండకపోవచ్చు.
ఆరోగ్యకరమైన లైంగిక సంబంధం అయినప్పుడు అంగం స్తంభించలేదంటే, అది తాను తన మహిళను సంతృప్తి పరచగలుగుతానా, లేదా అనే భయాందోళన అందుకు కారణమై ఉండవచ్చు. తొలిసారి రతిక్రీడలో పాల్గొనే సమయంలో పలు రకాల అనుమానాలు, అపోహలు ఉంటాయి. వాటినన్నింటినీ పక్కన పెట్టేసి, మెలిగితే ఏ ఇబ్బంది లేకుండా అంగం స్తంభిస్తుంది. మరోరకంగా చెప్పాలంటే, మహిళ వద్దకు వెళ్లిన వెంటనే సంభోగం చేయాలనే లేదా అంగప్రవేశం చేయాలనే ఆదుర్దాను పక్కన పెట్టేయాలి. ఆమెతో కబుర్లు చెబుతూ, ఆమె అవయవసంపదను స్పర్శిస్తూ, ఆ తర్వాత ముద్దులు పెట్టుకుంటూ ఫోర్‌ప్లే సాగిస్తే భయాందోళనలు దూరమవుతాయి. హస్తప్రయోగం చేసినప్పుడు అంగస్తంభన జరుగుతోంది కాబట్టి అది ఆరోగ్యానికి సంబంధించిన సమస్య కాదు, మానసికమైందేనని చెప్పవచ్చు.
అసలు విషయానికి వస్తే, కొంత మంది పురుషులకు చెంతనే చెలియ ఉన్నా అంగం గట్టిపడడంలో ఇబ్బందులను ఎదుర్కుంటారు. లోలోనే లైంగిక వాంఛతో రగిలిపోతున్నా అంగం గట్టి పడక కుమిలిపోతుంటారు. నిజానికి, చాలా మంది పురుషులకు 40 యేళ్లు దాటిన తర్వాత లైంగికాసక్తి తగ్గిపోతుందని అంటారు. శృంగారం విషయంలో భార్య పూర్తిగా సహకారం ఉన్నప్పటికీ ఏవో సమస్యల కారణంగా అంగం గట్టిపడక ఇబ్బంది పడుతుంటారు. ఇలాంటి వారు ఏదో విధంగా సెక్స్‌లో పాల్గొనాలని తపన పడుతుంటారు.
ఆ సమస్యతో సెక్సాలజిస్టును కలిసి తమ సమస్యను చెప్పుకుంటారు. ఆ తర్వాత వారు ఇచ్చేమందులను వాడుతుంటారు. ఇలాంటి వారికి స్మోకింగ్ లేదా డ్రింక్ చేసే అలవాటు ఉండొచ్చు. సాధారణంగా మానసిక వ్యధ కారణంగా కలిగే ఒత్తిడి వల్ల సంభోగంపై ఆసక్తిని అది డామినేట్ చేస్తుంది. దీంతో అంగం గట్టిపడదని వైద్యులు అంటున్నారు. రతిక్రీడకు సిద్ధపడినప్పుడు ఎలాంటి ఆందోళన లేకుండా ప్రశాతంగా పడక గదిలోకి అడుగు పెట్టాలని భావిస్తున్నారు. సంభోగం చేయడానికి శక్తిని పెంచుకోవాలని మందులు వాడే బదులు ప్రశాంతమైన మనస్సుతో, శృంగార భావనలతో ముందుకు సాగాలని అంటారు.
పురుషుల్లో ప్రతి ఒక్కరూ ఏదో ఒక సందర్భంలో అంగ స్తంభన సమస్యను ఎదుర్కోవడం సర్వసాధారణమైన అంశం. మానసిక ఒత్తిడి, అధిక మోతాదులో మద్యాన్ని స్వీకరించడం ఇంకా చెప్పాలంటే శృంగార భావనలు సంప్రాప్తించకపోవడం కూడా అంగస్తంభన సమస్యకు దారి తీస్తుంది. నిజానికి, దీనితో వయస్సుకు పెద్దగా సంబంధం లేకపోయినప్పటికీ 18 నుంచి 29 సంవత్సరాల వయస్సు గల వారిలో ఏడు శాతం మందికి ఈ సమస్య తలెత్తే అవకాశం ఉండగా, అదే 50 నుంచి 59 సంవత్సరాల వయస్సు గల వారిలో 18 శాతం మందికి ఈ సమస్య చోటు చేసుకునే అవకాశం ఉందని నిపుణులు చెబుతున్నారు.
అంగస్థంభన సమస్యకు దారితీసే రెండు కారణాలను ప్రధానంగా ప్రస్తావించుకోవాలి. ఒకటి శారీరకమైంది కాగా మరొకటి మానసికమైంది. అత్యధిక శాతం కేసులు శారీరకమైనవనే విషయం తమ పరిశీలనకు వచ్చినట్లు వైద్యులు తెలియజేస్తున్నారు. కానీ అంగస్థంభన సమస్యతో సతమతమయ్యే పురుషులు రతి క్రీడలో సుఖాల అంచును త్వరగా చేరుకోవాలని ఆదుర్దా చెందడంలో ఒత్తిడి లేదా ఆత్మన్యూనతా భావానికి లోనవుతారు. దీంతో సమస్య క్లిష్టమవుతుంది.
ఆరోగ్యకరమైన జీవన శైలిని ఆపాదించుకోవడం ద్వారా అంగస్థంభన సమస్యకు దూరంగా ఉండవచ్చు. ధూమపానం, మధ్యపానాలకు స్వస్తి చెప్పడం, ప్రతిరోజు వ్యాయామం, కొవ్వు శాతం తక్కువగా ఉండే ఆహారాన్ని స్వీకరించడం ద్వారా సమస్యను కొని తెచ్చుకుకోండా జాగ్రత్త పడవచ్చు. మధుమేహ వ్యాధి ఉన్నవారు వ్యాధిని నియంత్రణలో ఉంచుకోవడం మంచిది.
