ఫస్ట్ టైమ్ సెక్స్ కూడా హాయి హాయిగా...

Sex
 
సాధారణంగా మొదటి సారి సెక్స్ అంటే తడబాటు తప్పదు. వాస్తవానికి ఎన్నో భయాలు వుంటాయి. ఎవరైనా సరే, మొదటిసారి సెక్స్ కొరకు దగ్గరయ్యారా ? అసలు భాగ స్వామి నుండి ఏమి ఆశించాలి ? ఏమి ఆశించరాదనేది ముందుగా తెలుసుకోవాలంటారు డా. మహీందర్ వత్స. చాలా తడబాట్లు వుంటాయి. ప్రతి ఒక్కరూ తమ మొదటి లైంగిక చర్య ఎంతో సమర్ధవంతంగా, సాఫీగా వుండాలని కోరుకుంటారు. మరి కొంతమంది కధలలో చెప్పినట్లుగా కూడా బహు సుందరంగా అనుభవం మిగిలిపోవాలని ఆశిస్తారు. వాటిలో తప్పేమీ లేదు. అయితే కొన్ని పొరపాట్లు కూడా జరుగుతాయని అనుకోవాలి. పురుషుడు సెక్సు ఎక్కువ సమయం చేయాలని కోరతాడు. కాని, ఉద్రేకం కారణంగా త్వరగా భావప్రాప్తి పొందుతాడు. అంతవరకు పరవాలేదు. కాని కొందరికి అంగం లేచి నిలబడటం కూడా ఉండదు, ఆ నిరాశా సమయంలో వారికి వారు అసమర్ధులుగా భావిస్తారు. మీరు ఆ టైపు అనుకుంటే అది పెద్ద పొరపాటే. సెక్సు కార్య క్రమాన్ని ఎపుడూ ముందస్తు చర్యలతో ప్రారంభించాలి. మొదటి సారి మీరనుకున్నట్లు జరగకపోతే, రెండోసారి వుండనే వుంటుంది. పురుషుడు తాను స్వయంగా అంగాన్ని మర్దించుకునేటపుడు ఎరక్షన్ నార్మల్ గానే వుంటుంది. కనుక ఒక్కసారి రిలాక్స్ అవండి. మెల్లగా ప్రొసీడ్ అవండి. ఇక మీరు ఆశించిన రీతిలో పని జరిగిపోతుంది చూడండి.

యువతులైతే, మొదటి సారి లైంగిక చర్య బాధాకరంగానే వుంటుంది. అయినా కొనసాగించండి. వారు భయపడేది పెయిన్ కారణంగా కాదు. చాలా సార్లు ఈ నొప్పి వేలుతో నొక్కినట్లే. అయితే, నొప్పి వలన ఏర్పడే భయమే పరిస్ధితిని తారుమారు చేస్తుంది. ఈ భయం కారణంగానే మహిళలు కొద్దిగా ముట్టుకుంటే చాలు కుచించుకుపోతారు. ఇక్కడే పురుషులు ప్రధాన పాత్ర వహించాలి. మొదటగా, ఆమె మీతో ఎట్టి సంకోచం, భయం లేకుండా స్వేచ్ఛగా వుండేలా చూసుకోవాలి. ఆమెప్రయివేటు (వజీనా) భాగంలో ద్రవాలు ఊరేందుకవసరమైన ముందస్తుచర్యలను చేయాలి. హైమన్ పొరను తొలగించటానికి ప్రయివేటు భాగంలో వేలితో ఒరిపిడి చేయండి. అపుడు అతి నెమ్మదిగా లైంగిక చర్యకు ఉపక్రమించండి. ఇక్కడ ప్రధానమైంది - నిదానం. ఈ చర్యలో ప్రయివేటు భాగంనుండి రక్తం రావచ్చు, రాకపోవచ్చు. మొదటి కలయికలో మహిళలకు బ్లీడింగ్ జరగాలనేది నిస్సందేహంగా ప్రజలకుగల తప్పుడు అభిప్రాయం. హైమన్ పొర చిట్లితే రక్తం వస్తుంది. అయితే, కన్నెత్వానికి చిహ్నంగా చెప్పబడే ఈ పొర ఇతర కారణాల వలన కూడా చిట్లిపోగలదన్న వాస్తవాన్ని కూడా గ్రహించాలి. కఠిన వ్యాయామాలు చేయడం లేదా సైకిల్ తొక్కడం లాంటి పనులుచేసేటపుడు కూడా ఈపొర చిట్లవచ్చు. కొన్ని కేసులలో, అసలు ఈ పొర లేకపోవచ్చు.లేదా మహిళలు స్వయంతృప్తి చేసుకునే సమయంలో ఒరిపిడికి చిట్లిపోవచ్చు. మొదటి కలయికలో రక్తం వచ్చినా, రాకపోయినా ఆమె కన్నెత్వం పోయిందనే అపనమ్మకాన్ని పొందవద్దు. ఆమెపై మొదటి లైంగిక చర్యలో విశ్వాసం ఉంచండి. అట్టి సందేహాలేమైనా వుంటే మొదటిలోనే తీర్చుకోవాలిగానీ పడక సమయంలో కాదని గుర్తుంచుకోండి.

గర్భనిరోధక మార్గాలు ఫెయిల్ కావచ్చు. అవాంఛనీయ గర్భం రావచ్చు. లైంగిక చర్యలో అంగాన్ని సమయానికి తీసివేయడం లేదా మహిళల రుతుక్రమంపై ఆధారపడి సేఫ్ సెక్స్ చేయటం లాంటివాటిపై ఆదారపడవద్దు. పెళ్ళి కాని జంటలు కండోమ్ లు వాడవచ్చు. పెళ్ళి దగ్గరలోనే వుంటే మహిళలు పెళ్ళికి ఒక నెల ముందరగా గైనకాలజిస్టును సంప్రదించవచ్చు. డాక్టర్ అవసరమైన గర్భ నిరోధక మాత్రలు ఇస్తారు. ఇక జంటలు హనీమూన్ వరకు కూడా గడిపేయవచ్చు. తర్వాత మరోసారి గైనకాలజిస్టును సంప్రదించి వారికి సరియైన గర్భనిరోధక మార్గం ఏమిటనేది నిర్ణయించుకోవచ్చు.

లైంగిక చర్యలో మరో చికాకు కలిగించే అంశం ప్రయివేటు భాగాలలో ఊరే ద్రవాలు చికాకు కలిగించటం. దానికి వేరే మార్గం లేదు. భరించాల్సిందే ! లేదా చర్యను నిలిపివేయాలి. కనుక దానిగురించి పట్టించుకోకండి. పట్టించుకొని, శుభ్రతలకుగాను అదనపు బెడ్ షీట్ వేయకండి !

English summary
That a woman must bleed during her first intercourse is undoubtedly the most misguided notion people harbour. The bleeding occurs when the hymen splits.
Story first published: Tuesday, July 26, 2011, 17:55 [IST]
Please Wait while comments are loading...