శృంగారంపై కలలు కల్లలవుతున్నాయా?

Kamasutra
 
పెళ్లికి ముందు జీవితం గురించి కన్న కలలు పెళ్లయ్యాక క్రమంగా చెదిరిపోతున్నట్లు చాలా మందికి బోధపడుతున్నట్లు ఇటీవలి అధ్యయనాలు చెబుతున్నాయి. ప్రస్తుత వివాహ వ్యవస్థ మునుపెన్నడూ లేనంత బలహీనంగా మారిపోయిందని ఫ్యామిలీ కౌన్సిలింగ్ నిపుణులు అంటున్నారు. ఇదే కారణమని కూడా చెబుతన్నారు. పెళ్లంటే నిత్య ఘర్షణల పెంటగా భావించేలా సమాజం తీరు మారింది. స్త్రీల జీవితంలో పెరుగుతున్న విద్య, ఉపాధి తదితర అంశాలు దాంపత్య జీవితంలో ఘర్షణాత్మక వైఖరిని పెంచి పోషిస్తున్నాయి.

ప్రస్తుతం కుటుంబ సభ్యుల విషయంలో, సంబంధ బాంధవ్యాల విషయంలో ఏ మాత్రం తేడా వచ్చినా, తగాదా ఏర్పడినా దంపతుల మానసిక స్థితి చెడిపోతోంది. పెద్ద పెద్ద నగరాల్లో అయితే ఇలాంటి సందర్భాల్లో పుట్టింటి నుంచి కాస్తంత మద్దతు లభిస్తే చాలు భర్తనుంచి విడాకులు తీసుకోవడానికి కూడా స్త్రీలు వెనుకాడడం లేదు. భర్తను అంటిపెట్టుకునే పాత్రలో కాకుండా తనకు తానుగా సంపాదించే స్థితిలో భార్య ఉన్నప్పుడు వెంటనే విడాకులు తీసుకోవడానికి కూడా భార్య వెనక్కు తగ్గడం లేదు.

పెళ్లంటే వివాహ సంబంధాల వ్యాపారం కారాదు. దాంపత్యంలో తప్పును ఒప్పుకోవడానికి అహం అడ్డం వస్తే కొద్దిపాటి చేదు కూడా మీ సంబంధాలను చెరిపి వేస్తుంది. మానసిక సాన్నిహిత్యం, భావోద్వేగాలతో అల్లుకోవలసిన సంబంధం అతుకుల బాట పడితే ప్రపంచంలో ఏ న్యాయస్థానం కూడా దాన్ని అతికి సాపు చేయలేదు. మనం ప్రగాఢంగా దేన్నైనా కోరుతున్నప్పుడు, అంతే ప్రగాఢంగా దాన్నే కోరుకునే అవతలి వ్యక్తికి కూడా మనం ఇవ్వాల్సి వస్తుంది. ఒకటి కావాలంటే మరొకటి ఇవ్వాలి. ఇది దాంపత్య జీవన సూత్రం. అదే శృంగార జీవితాన్ని కూడా ఆనందమయం చేస్తుంది.

English summary
In the modern society the bond of wife and husband is weakening. It became very difficult to understand each other with the pressure. Modern society is posing threats to the relationships.
Story first published: Friday, March 18, 2011, 18:15 [IST]
Please Wait while comments are loading...